Çalakiyên roja çarem ên TEKNOFEST Welatê Şîn" ya ku rengvedana di deryayê da ya vîzyona Hemleya Teknolojiya Neteweyî ye û di çarçoveya TEKNOFEST 2025an da tê lidarxistin, dest pê kirin.

TEKNOFEST Welatê Şîn ya ku Ajansa Anadoluyê (AA), Hevkarê wê yê Ragihandina Global e, bi serkêşiya Weqfa Tîma Teknolojiya Tirkiyeyê (T3) û bi hevkariya Wezareta Pîşesazî û Teknolojiyê û Wezareta Parastina Neteweyî tê lidarxistin, li Fermandariya Tersaneya Stenbolê bi çalakiyên roja dawîn didome.

Di roja çarem û dawîn a çalakiya "TEKNOFEST Welatê Şîn" da jî welatî eleqeyeke zêde nîşan didin. Welatiyên dixwazin berhemên pîşesaziya parastina Tirk di cih da bibînin, sibehê zû berê xwe dan Fermandariya Tersaneya Stenbolê.

Welatiyan li ber keştiyên li qadê wêne kişandin û bi taybetî jî ji bo ziyareta keştiya eskerî ya herî mezin a Tirkiyeyê TCG Anadolu jî dorên dirêj çêbûn.

Ji xeynî TCG Anadoluyê, keştiyên giring ên Hêza Deryayê ya Tirkiyeyê yên wekî TCG Îstanbul, TCG Burgazada, TCG Oruçreis, TCG Nusret, TCG Sakarya û TCG Hizirreîs li qada çalakiyê eleqeyê dibînin.