Bayraktar KIZILELMAya balafira şer a bêmirov a ewil a Tirkiyeyê di testa li peravên Sînopê da di dinyayê da bû balafira şer a bêmirov a yekemîn ku di dîroka hewageriyê da fuzeya hewa-hewayê ya dûrî dîtinê bi kar anî û li hedefeke hewayî ya bi motora jetê xist.

Li gorî daxuyaniya Baykarê, testa ku li qada agirkirinê ya Sînopê bi Bayraktar KIZILELMAyê hat kirin, wekî testa ewil a serkeftî ket nav qeydan ku balafireke şer a bêmirov bi fuzeya hewa-hewayê va li hedefeke hewayî ya bi motora jetê xist.

Piraniya projeyên balafirên şerî yên bêmirov ên li gelemperê dinyayê ji bo peywirên hewa-bejayê tên sêwirîn. Li ser rûyê dinyayê vê gavê tu platformeke bêmirov şiyana agirkirina hewa-hewayê bi dest nexistiye û di demeke wiha da Bayraktar KIZILELMAyê bi vê testa serkeftî va di dîroka hewageriyê da serdemeke nû da destpêkirin.

Ji bo testa dîrokî 5 balafirên şerî F-16 ji Baregeha Sereke ya Jetan a 5em a Merzîfonê rabûn û li perên esmanên Sînopê gihîştin Bayraktar KIZILELMAyê. Bayraktar KIZILELMA li perê esmanan tevlî refa F-16an bû, hereketa hevbeş a bimirov-bêmirov pêk anî û konsepta şerê esmanî yê paşerojê nîşan da. Di van kêliyan da Bayraktar AKINCI TÎHAyekê jî beşdariya firînê kir û ev demên dîrokî ji hewa da qeyd kirin.

- Bi MURADê dît û bi GOKDOGANê lê da

Balafira di hedefê da ya bi motora jetan a pir beza ya ji ber senaryoyê hat firandin, bi radara MURAD AESAyê ya ku ji hêla ASELSANê hat dahênandin û bi Bayraktar KIZILELMAyê montekirî ye, hat tesbîtkirin û şopandin. Piştî ku hedef ji hêla radarê bi awayekî hesas hat işaretkirin, Bayraktar KIZILELMAyê Fuzeya Hewa-Hewayê GOKDOGAN a Dûrî Dîtinê ya ji hêla TUBÎTAK SAGEyê hatiye hilberîn agir kir. Fuzeya neteweyî ya hat agirkirin, bi îsabeta tam li balafira bi motora jetê ya di hedefê da xist.

Ev testa dîrokî li esman kêlî bi kêlî hat şopandin. Fermandarê Hêzên Asîmanî Orgeneral Ziya Cemal Kadioglu, Fermandarê Hêzên Asîmanî yên Şerî Orgeneral Rafet Dalkiran, Midûrê Giştî yê ASELSANê Ahmet Akyol û Serokê Lijneya Rêveberiya Baykarê Selçuk Bayraktar di kokpîta balafirên şerî F-16an da yên ji Merzîfonê rabûn, ji hewa da nezareta testa dîrokî kirin. Midûrê Enstîtuya TUBÎTAK SAGEyê Kemal Topalomer û Midûrê Giştî yê ROKETSANê Murat Îkîncî jî beşdariya heyeta test şopand kirin.