Li Tekîrdagê minîbês û tir li hev qelibîn, 5 kes mirin û 10 kes birîndar bûn

Li Tekîrdagê minîbês û tir li hev qelibîn, di encamê da 5 kes mirin û 10 kes jî birîndar bûn.

Minîbêsa bi plakaya 59 KS 182 a ku ji Vîzeya navçeya Kirklareliyê ber bi Saraya navçeya Tekîrdagê va diçû li Xaçerêya Çaylayê ya Taxa Çukuryurtê bi tira bi plakaya 34 BGE 76 qelibî û welgeriya.

Li ser îxbarê gelek ekîbên cendirme, polês, tenduristî û ambulans şandin cihê qezayê.

Di qezayê da 5 kes mirin, 10 kes jî birîndar bûn.

Birîndar rakirin nexweşxaneyên li hawirdor.

Serdozgeriyên Komarê yên Saray û Çorluyê ji bo lêpirsîna der barê qezayê da 3 dozger peywirdar kirin.