Wezareta Karên Navxweyî diyar kir ku ji 2 terorîstên di çarçoveya Operasyona Yildirim-4 Munzur Kutuyê da hatibûn berterefkirin yek di Kategoriya Sor da yek jî di Kategoriya Gewra a Lîsteya Terorîstên Lê Digerin da cî digrin.

Di daxuyaniya wezaretê da hat destnîşankirin ku di çarçoveya Operasyona Yildirim-4 Munzur Kutuyê da li Tunceliyê 2 terorîst bi sîlahên wan va hatin berterefkirin.

Di daxuyaniyê da hat gotin ku ji wan yek Erol Volkan Îldemê bi navê "Nubar" tê zanîn ê qaşo komîserê siyasî yê TKP/ML TÎKKOya rêxistina terorê yê eyaleta Dêrsimê ye, terorîsta din jî Fadîme Çakila bi navê "Roza"yê tê zanîn e. Îldem di Kategoriya Sor da cî digirt û ji bo wî 10 milyon xelat hatibû danîn, Çakilê di Kategoriya Gewr da cî digirt û ji bo wê 500 hezar xelat hatibû danîn.

Wezaretê wekî mayîn diyar kir ku li Axula herêma Hekariyê jî di operasyonê da 3 terorîst hatin berterefkirin.

Wezîrê Karên Navxweyî Suleyman Soylu li ser hesabê medyaya civakî diyar kir ku Çakil, Îldem û 3 terorîst jî li Hekariyê hatin berterefkirin û got, "Em qehremanên xwe ra sipas dikin cendirme."

- Daxuyaniya Walîtiya Tunceliyê

Di daxuyaniya Walîtiya Tunceliyê da hat diyarkirin ku di çarçoveya Operasyona Yildirim-4 Munzur Kutuyê da Teşkîlata Îstixbarata Neteweyî, cendirme û polêsan bi operasyona serkeftî 2 terorîstên di Kategoriya Sor û Kategoriya Gewr da cî digirtin berteref kirin.

Di daxuyaniyê da hat gotin ku di operasyonê da 2 keleşkof, bombeyeke destan, 2 jajor, paneleke tavê, 45 pîl, 4 sîwan, 2 tupên piçûk, 6 cot solên mekap, 3 kincên terorîstan, 50 kîlo ar, 30 kîlo çay, gelek dokumanên rêxistinê û amûrên jiyanê hatin girtin.