Li Şirnexê 4emîn Turnuvaya Cup Tenîsê ya Navneteweyî ya Cûdiyê li komelgeha Zanîngeha Şirnexê dest pê kir.

Di hîmayeya Wezareta Ciwanî Werzişê da, bi palpiştî û hemahengiya Federasyona Tenîsê ya Tirkiyeyê û bi piştevaniya Walîtî, şaredarî û Zanîngeha Şirnexê, li komelgeha zanîngehê di 2 kortên girtî û 4 kortên vekirî da turnuva tê lidarxistin.

Ji Mexrib, Gurcistan, Hollanda, Macaristan, Ukrayna, Bulgaristan, Rûsya û Tirkiyeyê 47 werzişvan beşdar bûn.

Bi boneya vekirina turnuvayê li komelgeha Zanîngeha Şirnexê pêşbirka nimayişê hat organîzekirin.

Walî Bîrol Ekicî digel xort û zarokan û jinên ku cilûbergên herêmî li xwe kiribûn beşdarî pêşbirka nimayişê bû.

Walî Ekicî di axaftina xwe ya bernameyê da ji bo lidarxistin û mazûvaniya turnavaya tenîsê ku îsal 4emîna wê li dar dixin, kêfxweşiya xwe anî ziman.

Ekicî got ku ew gelekî bi kelecan in û wiha dewam kir, "Li pêşber Çiyayê Cûdî dengên biratî, yekîtî û tebayiyê bilind dibin, di rojeke wisa da em vê turnuvayê li dar dixin, em bi vê serbilind in."