CAN OCAL - Galatasarayê di hefteya çaremîn a Lîga Şampiyonan a UEFAyê da tîma Hollandayê Ajax bi 3-0 têk bir.

Nîva yekem a pêşbirkê 0-0 bi beramberî bi dawî bû.

Tîma sor û zer bi hêz dest bi nîva duyemîn kir.

Futbolîstê Nîjeryayî Vîctor Osîmhen di deqîqeya 60emîn da bi serê xwe gogê xist û golek avêt, Galatasaray 1-0 pêş ket.

Osîmhen di deqîqeyên 66 û 78emîn da golên penaltiyê avêtin û Galatasarayê pêşbirk 3-0 qezenc kir.

Bi vê pêşbirkê va Galatasaray di Lîga Şampiyonan a UEFAyê da gihîşt 9 puanan.

Ji aliyê din va, tîma Hollandayê Ajax di çar pêşbirkên ewil ên di vê organîzasyonê da tu puan bi dest nexist.

Vîctor Osîmhen li hemberî Ajaxê 3 gol avêtin ku di pêşbirkên Ewropayê da cara ewil wî di heman pêşbirkekê da li dû hev sê gol (hat-trîck) avêtin.

Burak Yılmaz di Lîga Şampiyonan a 2012-2013an da li dijî tîma Romanyayê CFR Clujê 3 gol avêtibûn ku ji wê û demê vir va Osîmhen bû yekem futbolîstê Galatasarayê ku li Ewropayê li dû hev sê gol avêtin.

Di Lîga Şampiyonan da Galatasaray piştî 13 salan di 3 pêşbirkan da bi ser ket.