Di Lîga Şampiyonan a UEFAyê da Lîverpool, Bayern Munîh, Barcelona û Atletîco Madrîd ji fînala çaryekê ra man.

Pêşbirkên rovanşê yên tûra 16emîn a dawîn ên organîzyona sereke ya di asta klûbên sereke ya futbola Ewropayê da bi 4 pêşbirkan va bi dawî bûn.

Galatasaraya ku li hemberî tîma Îngiltereyê Lîverpoolê li qada xwe 1-0 bi ser ket, piştî ku di pêşbirka rovanşê da 4-0 têk çû, xatir ji turnuvayê xwest û Lîverpool derbasî fînala çaryekê bû.

Tîma Almanyayê Bayern Munîha ku li deplasmanê 6-1 tîma Îtalyayê Atalantayê têk bir jî li qada xwe 4-1 têk bir û derbasî fînala çaryekê bû.

Tîma Îspanyayê Atletîco Madrîda ku tîma Îngiltereyê Tottenhamê li qada xwe 5-2 têk bir jî li deplasmanê 3-2 têk çû, lê dîsa jî derbarî fînala çaryekê bû.

Tîma Îspanyayê Barcelonaya ku li deplasmanê 1-1 beranber ma, li qada xwe tîma Îngiltereyê Newcastle Unîtedê 7-2 têk bir û navê xwe di fînala çaryekê da nivîsandin.

Li gor van encaman tîmên ku wê di fînala çaryekê da bên pêşberî hev ev in:

PSG (Fransa) - Lîverpool (Îngiltere)

Real MadrÎd (Îspanya) - Bayern Munîh (Almanya)

Barcelona (Îspanya) - Atletîco Madrîd (Îspanya)

Sporting (Portekiz) - Arsenal (Îngiltere)