Wezîrê Karên Derva Hakan Fîdan der barê êrîşên Îsraîlê yên dijî Xeta Xezeyê da wiha got, "Heger Îsraîl di serî da Xeze êrîşên xwe yên dijî Filistînê bidomîne û rê li ber neyê girtin, ev tenê dijî Filistiniyan namîne wê hemû herêmê biavêje nava êgir."

Lijneya Giştî ya Meclisê bi rojeva êrîşên Îsraîlê yên dijî Xeta Xezeyê, komkujiya dijî gelê Filistînê, gotûbêjkirina polîtîkayên birçîhiştin û zilmê û nirxandina rewşa dawîn ya li herêmê, di serokatiya Serokê Meclisê Numan Kurtulmuş da derasayî civiya.

Fîdan di civînê da xitabî Lijneya Giştî ya Meclisê kir.

Wezîrê Karên Derva Fîdan diyar kir Îsraîl du sal e li Xezeyê sûcê komkujiyê dike û li ber çavên dinyayê nirxên însanî yên bingehîn binpê dike û wiha got, "Heger Îsraîl di serî da Xeze êrîşên xwe yên dijî Filistînê bidomîne û rê li ber neyê girtin, ev tenê dijî Filistiniyan namîne wê hemû herêmê biavêje nava êgir. Hovîtiya li Xezeyê diqewime weke rûpela herî tarî ya dîrokê hatiye tomarkirin."

Fîdan bal kişand ser plana Îsraîlê ya bi temamî dagirkirina Xeta Xezeyê û wiha axivî, "Em plana ku gelê Filistînê ji Xezeyê dide koçberkirin qebûl nakin. Kî pêşniyar dike bila bike, ji bo me hikmê vê planê tuneye."

Wezîrê Karên Derva Fîdan bal kişand ser berxwedana ku Filistînî li dijî Îsraîlê didin û got ku ev berxwedan wê dîrokê biguherîne, bibe sembola kesên tên pelçiqandin û wê kevirên pergala riziyayî ji cî bileqîne.

Fîdan der barê rewşa li Sûriyeyê da got, "Em ê nehêlin ku civakên biqîmet û qedîm yên Sûriyeyê ji bo armancên çewt (yên dijî yekîtiya axê) bên îstismarkirin."

Wezîrê Karên Derva Fîdan destnîşan kir ku ticareta bi Îsraîlê ra bi temamî birîne û wiha dewam kir, "Em nahêlin keştiyên Tirkiyeyê herin keştîgehên Îsraîlê. (Îsraîl) Em nahêlin balafirên wê bikevin qada me ya asîmanî."

Fîdan ji bo êrîşên Îsraîlê yên dijî Xeze, Libnan, Yêmen, Sûriye û Îranê da got, "Ev helwesta bêperwa, hişmendiya dewleteke terorê ye ku bi eşkereyî dijî pergala navneteweyî derdikeve."​​​​​​​

 - Tirkiyeyê ji 2yê gulana 2024an pê va têkiliyên xwe yên bazirganî yên bi Îsraîlê ra birî 


Tirkiyeyê di maweya 7 mehî ya piştî 7ê cotmeha 2023yan heta 2yê gulana 2024an da bazriganiya xwe ya bi Îsraîlê ra ji %30 kêm kiribû.

Hikûmeta Tirk di merhaleya ewil da di 9ê nîsana 2024an da di 1019 berhemên di bin 54  serenavan da îxracata bi Îsraîlê ra rawestandibû.

Digel ku di gumrikan da û herêmên serbest da bi Îsraîlê ra miameleyên bazirganiyê nayên kirin di 2yê gulana 2024an da hatibû ragihandin ku ji Tirkiyeyê bo Îsraîlê di hemû komên berheman da îxracat, îthalat, bazirganiya transît bi temamî hat rawestandin û bazirganiya bi Îsraîlê ra sifir e (tune).

Anadolu Ajansı web sitesinde, AA Haber Akış Sistemi (HAS) üzerinden abonelere sunulan haberlerin sadece bir kısmı, özetlenerek yayımlanmaktadır. Abonelik için lütfen iletişime geçiniz.