Serokê TBMMyê Numan Kurtulmuş derbarê "Tirkiyeya Bêteror" da got, "Ji bo em modela Tirkiyeyê nîşan bidin, ji bo em modela Tirkiyeyê ya resen bikin rewacê ev serkeftin jî wê bibe yek ji serkeftinên dîrokî yên komîsyonê. Bendewariya miletê me jî ev e."

Di çarçoveya armanca "Tirkiyeya Bêteror" da Komîsyona Demokrasî, Biratî û Piştevaniya Neteweyî bi serokatiya Serokê TBMMyê Kurtulmuş civiya.

Di civîna li Hêwana Merasimê ya TBMMyê da, Serokê Yekîtiya Baroyên Tirkiyeyê Erinç Sagkan digel serokê baroyê yê Enqereyê yê No 2, yê Bîngol, Diyarbekir, Hatay, Stenbol No 2, Meletî, Mêrdîn, Mersîn, Wan û Sêwasê amade bûn.

Kurtulmuş di vebûna 6emîn ya komîsyonê da axivî û wiha got:

"Piştî daxuyaniya ji Îmraliyê hat kirin û peyra jî rêxistinê tevî hemî unsurên xwe va daxuyand ku wê li gor daxuyaniya Îmraliyê tevbigerin, bi vê daxuyaniyê ra li Tirkiyeyê firsendeke dîrokî çêbû."

Kurtulmuş diyar kir ku ji bo careke din çek neyên teqandin, aramiyeke mayinde pêk bê, ji bo aştî û hizûr pêk bê siyasetê jî berpirsiyarî hilda ser milên xwe û bi vê armancê da "Komîsyona Demokrasî, Biratî û Piştevaniya Neteweyî" ava kir.

Serokê TBMMyê Kurtulmuş got, "Ji bo em modela Tirkiyeyê nîşan bidin, ji bo em modela Tirkiyeyê ya resen bikin rewacê ev serkeftin jî wê bibe yek ji serkeftinên dîrokî yên komîsyonê. Bendewariya miletê me jî ev e."

Piştî axaftina Kurtulmuş Serokê Yekîtiya Baroyên TIrkiyeyê Erinç Sagkan û çend serokên baroyê yên din axivîn.