Serokê TBMMê Numan Kurtulmuş bal kişand ser pêvajoya Tirkiyeya Bêteror û wiha got, "Ya girîng ew e ku hemû hêzên li pişt terorê ne ji holê bên rakirin û bingeha terorê ji holê bê rakirin."

Kurtulmuş li Maseya Edîtoran ya Ajansa Anadoluyê (AA) pirsên der barê rojevê da bersivand.

Serokê Meclisê Kurtulmuş li ser pirsa der barê xebatên Komîsyona Hevgirtina Neteweyî, Biratî û Demokrasiyê da wiha axivî, "Ev komîsyon destûra bingehîn amade nake. Li vir qanûn û destûr nayên danîn. Wê hewcedarî bên amadekirin û ji Meclisê ra bên şandin. Di heyama pêş da em ê gazî nûnerên karsaz û sendîkayan jî bikin. Em ê gazî kesên ku komîsyonê ew pêşniyar kirine jî bikin. Li vir her kes endamê komîsyonê ye û pêşniyar tên kirin û nirxandin. Biryar di destê Lijneya Giştî ya Meclisê da ye."

Kurtulmuş bal kişand ser pêvajoya Tirkiyeya Bêteror û wiha got, "Ya girîng ew e ku hemû hêzên li pişt terorê ne ji holê bên rakirin û bingeha terorê ji holê bê rakirin."

Serokê Meclisê Kurtulmuş diyar kir di komîsyonê da daxwazên weke xweserî, serxwebûn, herêmeke cuda û Kurdî bibe zimanê fermî, bi tu newayî nehatine rojevê û wiha axivî, "Ev mesele meseleyeke şexsî û siyasî û meseleyeke reklamê nîne. Gava em bi ser bikevin wê her kes bi ser bikeve. Ev karekî xêrê ye. Divê demildest temam bibe û ji bo vê jî divê rêxistin zûtir çekên xwe dayna û pêvajoya fesixkirinê leztir bike."

Kurtulmuş diyar kir heger Tirkiyeya Bêteror ava bikin, bêguman dora rojê wê Tirkiyeya Bêteror deriyê Sûriyeyeke Bêteror veke û wiha peyivî, "Tirkiyeya Bêteror wê înşallah rê li ber deriyê Iraq û herêmên din yên teror bi temamî ji holê rabûye veke. Bi sazkirina rewşeke aştiyane wê pêwendî û têkiliyên aborî, çandî û siyasî hê baş bibin."

Serokê Meclisê Kurtulmuş destnîşan kir ku sedema hebûna komîsyonê ew e ku rêxistin xwe fesix bike, ew jî temambûna pêvajoyê bişopîne, tesbît bike û gavên di pey ra bişopîne û wiha dewam kir, "Ez dixwazim bêjim ku ya rast ew e ku her kes li gor berpirsyariyên xwe yên siyasî tevbigere. Ev ji bo Tirkiyeyê meseleyeke neteweyî û dîrokî ye. Gava ev bi cî were em ê ji bo nifşên nû wezîfeyeke baş bikin."

Kurtulmuş li ser pirsa der barê êrîşên Îsraîlê û rewşa li Xeta Xezeyê da jî wiha got, "Em di hemû civînên navneteweyî da û li her derê fikr, tez û piştgiriya Tirkiyeyê ya ji bo doza Filistînê destnîşan dikin."