Serokê Meclisê Numan Kurtulmuş destnîşan kir ku hemû tevgerên Îsraîlê yên li ser axa Filistîna dagirkirî binpêkirina hiqûqa navneteweyî ye, sûcê şer û komkujî ye.

Lijneya Giştî ya Meclisê bi rojeva êrîşên Îsraîlê yên dijî Xeta Xezeyê, komkujiya dijî gelê Filistînê, gotûbêjkirina polîtîkayên birçîhiştin û zilmê û nirxandina rewşa dawîn ya li herêmê, di serokatiya Serokê Meclisê Numan Kurtulmuş da derasayî civiya.

Kurtulmuş di destpêka civînê da xitabî Lijneya Giştî ya Meclisê kir.

Serokê Meclisê Kurtulmuş destnîşan kir ku Îsraîl bi biryara xwe ya ku herekata dagirkirinê ya li Xezeyê berfireh dike sûcên xwe yên dijî mirovahiyê didomîne û wiha got, "Hemû tevgerên Îsraîlê yên li ser axa Filistîna dagirkirî binpêkirina hiqûqa navneteweyî ye, sûcê şer û komkujî ye. Ez pêşniyar dikim ku gavên berbiçav bên avêtin, heya Îsraîl dev ji polîtîkayên xwe yên komkuj berde NY jî di navê da li dezgehên navneteweyî endamtiya wê bê sekinandin."

Numan Kurtulmuş diyar kir ku doza Filistînê ji bo wan dozeke neteweyî ye û got ku heya dewleteke Filistînê ya azad û serbixwe çêbe em ê piştgiriya xwe ya ji bo vê têkoşînê bidomînin.