Serokomar Erdogan got: "Xelat sembola hebûna me ya ezelî û ebedî ya li ser van axan e. Ji bo miletê Tirk, Xelat mifteya Sêva Sor e."

Serokomar Recep Tayyip Erdogan beşdarî bernameya bi minasebeta 954emîn salvegera Serfiraziya Milazgirê li Xelata navçeya Bitlisê hat lidarxistin bû.

Serokomar Erdogan got "Em ê refên xwe xurt bikin, biratiya xwe bihêz bikin û hemû êrîşên ku li dijî yekîtî û hevgirtina me tên girtin, bi mildayîna bi hev ra berteref bikin."

Erdogan wiha dewam kir, "Ji bo Tirkiyeya muessirtir, mutebertir, mureffehtir em derketin vê rêya, di vê rêyê da emê nekevin nav dek û dolabên tu kesî, emê tu carî nekevin nav dafikan. Bêyî ku em mîrata şehîd û xaziyên xwe binpê bikin, em ê bi hev ra Tirkiyeyeke ku hizur, aramî û muhabet di navenda wê da ye, ya geş ava bikin."

Erdogan bal kişand ser pêvajoya 'Tirkiyeya Bêteror' û wiha pê da çû, "Em gihîştin qonaxa dawîn. Hinekî din bi sebir, xîret û baldariyê em ê vê qonaxê bi rehetî derbas bin û bi hêsanî bigihîjin mexseda xwe ya bimenzîl. Em ê ber bi menzîla Tirkiyeya Bêteror ku neyarên me aciz dike va bi awayekî bi xwe bawer, bi zanetî bimeşin û gavên biryardarî biavêjin."