Serokomar Recep Tayyîp Erdoganê ku ji bo ziyareta fermî hat Qahireya paytextê Misrê, ji aliyê Serokomarê Misrê Ebdulfettah es-Sîsî va bi merasima fermî hat pêşwazîkirin.

Serokomar Erdogan dema gihîşt Qesra Al Îttihadiyeyê û ji wesayîta xwe peya bû, Sîsî pêşwaziya wî kir.

Piştî ku Erdogan û Sîsî li qada merasimê cihên xwe girtin top hatin avêtin û sirûda herdu welatan hat lêxistin.

Serokomar Erdogan û Sîsî paşê dest dan hev, endamên çapemeniyê dîmenên wan girt.

Piştî hevnasandina heyetan Sîsî û Erdogan hevdîtin kir.

Dema civîna heyetan dawî bibe serokên herdu welatan wê beşdarî merasima îmzeyê ya peymanan bibin û daxuyaniyê bidin.