Serokomar Recep Tayyîp Erdogan li Navenda Kongreyê ya AK Partiyê beşdarî bernameya "Ji Bo Mirovahiyê Tirkiyeya Xurt" bû û tê da axivî.

Serokomar Erdogan li ser rabirdûya Tirkiyeyê sekinî û wiha got, "Em hê jî berdelên celadên mafên mirovan ên li ser welatê me, miletê me, demokrasiya me û aştiya me ya civakî ferz kirine didin."

Serokomar Erdogan behsa îmaja Tirkiyeyê ya li derva kir û wiha axivî, "Ez bi serbilindî bêjim ku dema Tirkiye tê gotin, ne tenê welatê ku sînorê xwe diparêze tê bîra meriv, welatê ku aştî û dîplomasiyê jî pêk tîne, tê bîra meriv. Dema alaya me ya sor a bi stêrk û hîv li çar aliyê cîhanê nermbinerm diheje, dost, xizm û birayên me xwe ewletir hîs dikin. Li ku derê zilm hebe, em li cem mezlûman û li dijî zaliman disekinin. Me rû neda zext û gefên kesên ji mirovahiyê bêpar in, ên ji ber sedemên cûrbecûr li kêleka zaliman disekinin. Me hewl da ku em zilmê bidin rawestandin."

Serokomar Erdogan got ku sicîla Tirkiyeyê paqij e û wiha dewam kir, "Ne di dîroka me û ne jî di kodên me yên çandî û şaristanî da, tu lekeyeke ku di mijara mafên mirovan da me şermî bike, tuneye." û wiha dewam kir: "Yên ku îro dersa maf û azadiyan didin me, sicîla me ji ya wan tevan paqijtir e. Em di tu dewra dîroka xwe da ji rê derneketin û sûcekî me yê veşartî jî tuneye."

Serokomar Erdogan bal kişand ser piştgiriya ku Tirkiyey dide Sûriyeyê û wiha got: "Em wekî Tirkiye û miletê Tirk bi hemû derfetên xwe va piştgiriyê didin înşa, îhya û xwevahatina Sûriyeyê û xwişk û birayên me yên Sûriyeyî. Gelê Sûriyeyê di saleke dawî da digel ewqas zehmetiyan û enqaza ku dîktatoriya Esad hişt, têkoşînê didin ku welatê xwe rakin ser piyan. Em pê kêfxweş dibin."

Serokomar Erdogan behsa mitabaqata 10ê Adarê kir û wiha axivî, "Bi sihûlet cîbicîkirina mitabeqetê, ewê hesabên mîhraqên şer ên ku ji bo Sûriyeyeke bêîstiqrar, parçekirî û bêhêz dixebitin, serûbino bike."

Serokomar Erdogan li ser Filistînê jî wiha got, "Li Filistînê sebra mezlûman wê bi serkeftinê encam bide, azadî û aştî wê were. Miheqeq Dewleteke Filistînê ya ku Qudsa Rojhilat paytextê wê ye, wê were avakirin"