Serokomar Recep Tayyîp Erdogan, "Ez dixwazim bila bê zanîn ku ji bo serkeftina pêvajoya Tirkiyeya Bêteror biryardariya îqtidara me jî îtifaqa me jî dewleta me jî tam e."

Serokomar Erdogan li Navenda Çandê ya Ataturkê di Bernameya Xelatên Îlîm Yaymayê da axivî.

Serokomar Erdogan diyar kir ku" bi kêfxweşî hîn bû ku dê Xelatên Îlîm Yaymayê bibe xwedî huviyeteke navneteweyî û bigihêje çar aliyê dinyayê û got ku "Çima Nobelekî me jî çênebe.?"

Serokomar Erdogan destnîşan kir ku saziyên çapemeniyê yên navneteweyî yên ku di dema bûyerên Geziyê da li Stenbolê kamp vedan dema li Xezeyê ji 270yan zêdetir rojnamevan hatin kuştin nûçeya hempîşeyên xwe çênekirin.

Serokomar Erdogan bal kişand ku Îsraîl bi hincetên derew agirbestê îxlal dike û got ku " Em dibînin ku Hemas digel provokasyonan ji bo parastina agirbestê helwesteke bi sebir nîşan dide. Ji bopêşîlêgirtina piştevaniya gelê me ya ji bo gelê Filistînê ya mezlûm li ser çapemeniya civakî û şaxên çapemeniyê yên siyonîst kampanyayên dezenformasyonê hatin kirin."

Serokomar Erdogan diyar kir hat dîtin ku qismeke girîng a kesên ku xwe li ser qada çêkirî (cîhana virtual,çêkirî) xwe wekî mixalif nîşan didin xaînên FETOvan in ku ji bo dijminên Tirkiyeyê taşeroniyê dikin"

Serokomar Erdogan got ku "Em ê bi 86 milyonî ra bi 10 milyonên ku xwe aîdê van axan hîs dikin jî hildan ba xwe û hemû bi hev ra destaneke nûpînû binivsînin." û axaftina xwe wiha domand:

"Ez dixwazim bila bê zanîn ku ji bo serkeftina pêvajoya Tirkiyeya Bêteror biryardariya îqtidara me jî îtifaqa me jî dewleta me jî tam e. Tirkiye ketiye rêyeke nû û ev rê dê me bibe menzîleke ku lê teror tune, li her bostekî wê biratî û aramî desthilatdar e."

Erdogan destnîşan kir gelekî baş dizanin ku hewldanên wan ên ji bo xirakirina lîstikeke nîv sedsalî ya ku xwe bi xwîn, rondik û pevçûnê xwedî dike kîjan hêzan dixe telaşeyê û got ku "(Tirkiyeya Bêteror) Em dibînin ku em çiqasî nêzî hedefê bibin sabotaj, operasyonên çapemeniyê, fealiyetên endezyariya siyaset û civakî jî dê zêde bibin."