Serokomar Recep Tayyip Erdogan ji bo beşdariya 12emîn Zîrweya Teşkîlata Dewletên Tirk bi balafira "TC-TUR"ê gihîşt bajarê Gebeleyê yê Azerbeycanê.

Emîn Emrullayevê Wezîrê Zanist û Perwerdeyê yê Azerbeycanê, Sebûhî Abdullayevê Waliyê Herêma Gebeleyê, Reşad Memmedovê Balyozê Azerbeycanê yê Enqereyê û Bîrok Akgunê Balyozê Tirkiyeyê yê Bakûyê li Balafirgeha Navneteweyî ya Gebeleyê Serokomar Erdogan pêwazî kir.

Serokomar Erdogan tevî heyeta xwe berê xwe da Navenda Kongreyê ya Haydar Aliyev ku beşdariya 12emîn Zîrweya Teşkîlata Dewletên Tirk bike.

Tê pêşbînîkirin ku Erdogan di rûniştina zîrweyê ya bi navê "Aştî û Ewlehiya Herêmî" da xîtabî beşdaran bike û her wiha beşdariya firavîna fermî bike ku dê ji hêla Îlham Aliyevê Serokomarê Azerbeycanê bê dayîn.