Serokomar Recep Tayyîp Erdogan dê di 16-17ê sibatê da biçe Mîrektiyên Ereban ên Yekbûyî û Etîyopyayê.

Serokê Ragihandinê yê Serokomariyê Burhanettîn Duran ji ser hesabê xwe yê NSosyalê der barê ziyaretan da daxuyanî da û ev agahî parve kirin:

"Di hevdîtinên ku dê di navbera Birêz Serokomarê me û Serokdewletê Mîrektiyên Ereban ên Yekbûyî û Mîrê Abu Dabiyê Şêx Mihemed Bîn Zayed El Nahyan da ya ku dê di 16ê sibatê bê kirin da digel pêngavên ji bo xurtkirina hevkariya di navbera Tirkiye û Mîrektiyên Ereban ên Yekbûyî da mijarên herêmî û kurewî dê bên nirxandin.

Birêz Serokomarê me pişt ra dê îcabetî daweta Abiy Ehmed Eliyê Serokwezîrê Etiyopyayê bike û 17ê sibatê Addîs Ababayê ziyaret bike û peywendiyan dayne. Bi wesîleya ziyaretan dê belge û peymanên ku mizakereyên wan hatin temamkirin jî dê bên îmzekirin."