Serokomar Recep Tayyîp Erdogan bi telefonê bi Sultanê Umanê Heysem bin Tariq ra axivî.

Li gorî parvekirina li ser hesabê NSosyalê yê Serokatiya Ragihandina Serokomariyê, Erdogan û Heysem bin Tariq peywendiyeke telefonê encam dan.

Hat ragihandin ku di peywendiyê da têkiliyên dualî yên Tirkiye û Umanê û mijarên herêmî hatin gotûbêjkirin.

Serokomar Erdogan di peywendiyê da diyar kir ku êrîşên li dijî Îranê û di pey ra bersivdana Îranê li dijî welatên bira, herêm bi qeyraneke ewlehiyê ya bêhempa ra rû bi rû hiştiye û êrîşên li hember Umanê nayên qebûlkirin.

Serokomar Erdogan tekez kir ku Tirkiyeyê di rewşa heyî da tevî navbeynkariyê, dest ji hewlên dîplomatîk bernedaye û ev hewildan dê berdewam bin.

Erdogan destnîşan kir ku astengkirina çûna Mizgefta Eqsayê ji aliyê hikûmeta Netanyahu va bi ti awayî nayê qebûlkirin, Xeze hewcedarê alîkariya mirovî ye û divê xebatên Konseya Aştiyê jî bi armanca çareseriyeke du dewletî bidomin.

Serokomar Erdogan her wiha di peywendiyê da Cejna Remezanê li Heysem Bin Tariq pîroz kir.