Serokomar Recep Tayyîp Erdogan bi telefonê, bi Serokê Dewleta Rûsyayê Vladîmîr Putîn ra axivî.

Li gorî daxuyaniya Serokatiya Ragihandinê ya Serokomariyê, di axaftina Erdogan û Putîn da têkiliyên dualî yên Tirkiye û Rûsyayê, şerê di navbera Rûsya û Ukraynayê da, mijarên herêmî û cîhanî hatin gotûbêjkirin.

Serokomar Erdogan di axaftinê da anî ziman, ji bo ku şerê Rûsya û Ukraynayê bi aştiyeke adil û mayînde va dawî bibe, Tirkiye wê hewldanên xwe bidomîne.

Erdogan got Tirkiye wekî berê niha jî amade ye ku tevkariyê bike ku hemû hewldanên dîplomatîk û planên ku rêya aştiya mayînde ya li herêmê vekin pêk bên û alî rasterast hevdîtinan bikin.