Serokomar Recep Tayyîp Erdogan bi Serokwezîrê Îngiltereyê Keîr Starmer ra hat bal hev.

Serokomar Erdoganê ku ji bo beşdarî Civîna Serokên Dewlet û Hikûmetan ên NATOyê bibe li Laheya bajarê Hollandayê ye, hevdîtinên xwe yên dualî didomîne.

Erdogan bi Serokwezîrê Îngiltereyê Starmer ra hat bal hev ku hevdîtina wan a li Avahiyê Foruma Cîhanê ji çapemeniyê ra girtî çêbû.

Wezîrê Karên Derva Hakan Fîdan, Serokê MÎTê Îbrahîm Kalin, Serokê Ragihandinê yê Serokomariyê Fahrettîn Altun, Serşêwirmendê Ewlehî û Polîtîkaya Derva yê Serokomar Akîf Çagatay Kiliç û Alîkarê Serokê Giştî yê AK Partiyê Halît Yerebakan jî amade bûn.

Serokomar Erdogan di hevdîtinê da got ew hêvî dike ku Îran û Îsraîl guh bidin agirbestê û destûr wê neyê dayîn ku rageşî, qeyrana mirovî ya li Xezeyê bide jibîrkirin.

Erdogan ji bilê vê anî ziman Tirkiye wê piştgiriya xwe bidomîne ku Sûriye yekparçeyiya axa xwe û yekîtiya xwe ya siyasî bipaze û bigihêje îstiqrarê.