Alîkarê Serokomar Cevdet Yilmaz, Balyozê Enqereyê yê Amerîkayê û Nûnerê Taybet ê Sûriyeyê yê Amerîkayê Tom Barrack û heyeta pê ra qebûl kir.

Yilmaz li ser hesabê xwe yê NSosyalê der barê hevdîtina ku li Kuliyeya Serokomariyê pêk hat da daxuyanî da û wiha got:

"Me bi Balyozê Enqereyê yê Amerîkayê Birêz Tom Barrack ra li Kuliyeya Serokomariyê hevdîtin kir û em li ser zêdetir xurtkirina têkiliyên me yên dualî û di qadên berbiçav da zêdekirina tevkariya me sekinin. Her wiha di hevdîtina me da xurtkirina têkiliyên me yên aborî û bazirganî, sanayiya parastinê û tengavkirinên CAATSAyê di serî da em berfirehî li ser mijarên rojeva xwe sekinîn.

Her wiha di çarçoveya geşedanên dawîn ên li Îran û Sûriyeyê û merhaleya duyemîn a plana aştiyê ya Xezeyê da me der barê mijarên herêmî û kurewî da fikra xwe ji hev ra got. Ji bo piştgiriyên wî yên çêker û îradeya wî ya xurtkirina tevkariya navbera welatên me ez spasiya Birêz Barrack dikim."