Serokê TBMMyê Numan Kurtulmuş derbarê pêvajoya "Tirkiyeya Bêteror" da got, "Li van çiyayan wê êdî tirs, mirin, gule, bombe tunebe; wê kilamên biratî, yekîtî û bihevrabûnê bên gotin."

Serokê TBMMyê Kurtulmuş li qada veberhênana neftê ya li Çiyayê Gabarê axivî.

Kurtulmuş, Wezîrê Vejen û Çavkaniyên Siruştî Alparslan Bayraktar, Serokê Koma AK Partiyê Abdullah Guler, Cîgirserokê Giştî yê AK Partiyê Mustafa Elîtaş û gelek parlementer beşdarî bernameya ku li Bîra Keşfê ya Ewil a Şehîd Esma Çevîk-1ê ya li Çiyayê Gabarê hat kirin, bûn.

Serokê TBMMyê Numan Kurtulmuş ku bi minasebeta 19ê Gulanê Bibîranîna Ataturk û Cejna Ciwanî û Werzişê li Çiyayê Gabarê ye, der barê pêvajoya "Tirkiyeya Bêteror" da got, "Li van çiyayan wê êdî tirs, mirin, gule, bombe tunebe; wê kilamên biratî, yekîtî û bihevrabûnê bên gotin. Êdî tu ewladekî vî welatî wê dernekeve serê çiyan, di heman demê da tu ewladek wê di şerê li dijî terorê da şehîd nebe. Em ê hemî bi hev du ra yekîtî, biratî û bihevrabûnê pêk bînin."