Wezîrê Karên Derva Hakan Fîdan, wê wekî mêvanê Wezîrê Karên Derva yê Ukraynayê Andrî Sibîha, di 29-30ê Gulanê da serdana Ukraynayê bike.

Li gorî agahiya ku ji çavkaniyên Wezareta Karên Derva hat sitandin, Fîdan dê serdana Ukraynayê bike û li ser mijarên rojevê, têkiliyên dualî, pêşhatên herêmî û kurewî dê hevdîtinan pêk bîne.

Tê plankirin ku Fîdan di çarçoveya serdana xwe ya 29-30ê Gulanê da, ji aliyê Serokê Ukraynayê Volodimîr Zelenskî û Serokwezîr Denîs Şmîgal va bê pêşwazîkirin.

Fîdan di çarçoveya mijarên hevkariyê da li ser asta stratêjîk a di navbera Tirkiye û Ukraynayê da, ew ê di serî da mijarên di qadên bazirganî, enerjî, parastin û ewlekariyê da civînan li dar bixe.