Wezîrên karên derva yên Tirkiye û 7 welatan li Qudisê sînordarkirinên azadiya îbadetê ya Misilman û Xristiyanan yên bi destê Îsraîlê bi awayeyê herî xurt şermezar û red kir.

Wezîrên karên derva yên Tirkiye, Misir, Urdun, Endonezya, Pakistan, Qeter, Erebistana Siûdî û Mîrektiyên Yekbûyî yên Ereb der barê li Qudisê sînordarkirina azadiya îbadetên Misilman û Xristiyanan a bi destê Îsraîlê da daxuyaniya hevpar a nivîskî da.

Di daxuyaniyê da wiha hat gotin:

"Ji ber Îsraîl nahêle ku Misilman seba îbadetê têkevin Mescida Eqsayê/Harema Şerîf, her wiha ji ber nahêle ku Patrîkê Latîn ê Qudisê û Mihafizê Axên Pîroz seba Ayîna Yekşemê ya Palmiyeyê têkeve Dêra Qebrê ya Pîroz wezîrên karên derva sînordarkirinên Îsraîlê yên azadiya îbadetan bi awayê herî xurt şermezar dikin û red dikin. Wezîran destnîşan kir ku divê guh bidin statukoya dîrokî û hiqûqî ya Qudis, Misilmanên vê derê û mekanên pîroz ên Xristiyanan. Wezîran dubare kir ku tu desthilatdariya Îsraîla hêza dagirker li ser Qudisa dagirkirî tuneye û destnîşan kirin ku divê (Îsraîl) hemû sepanên xwe yên astengkirina gihîştina cihên îbadetê yên li Qudisê bi dawî bike."