Serokê Amerîkayê Donald Trump bi Serokomar Recep Tayyîp Erdogan ra li Qesra Spî hevdîtin kir.

Serokomar Erdogan û Serokê Amerîkayê Trump berî hevdîtinê pirsên rojnamevanan bersivandin.

Serokomar Recep Tayyîp Erdogan diyar kir ku dê bi Serokê Amerîkayê Trump ra li ser gelek mijaran guftûgoyê bikin û wiha axivî:

"Em hem di heyama yekemîn a Birêz Trump da hem jî di heyama wî ya duyemîn da di têkiliyên Tirkiye û Amerîkayê da pêvajoyeke cuda dijîn. (Bi Trump ra) Wisa bawer im ku em ê hem jimara F-35an hem mijara F-16an hem jî mijara têkiliyên der barê Bankaya Halkê da dê bikarin berfirehî guftûgo bikin. Ez wisa bawer dikim ku em ê bi hev ra destê xwe bidin hev û pirsgirêkên li herêmê hel bikin."

Serokomar Erdogan destnîşan kir ku der barê Dibistana Heybelîadayê da çi dikeve ser wan amade ne ku wê bikin û got ku "Dema vegeriyam dê firsenda min çêbe ku bi Birêz Bartholomeos ra vê mijarê guftûgo bikim."

- Serokomar Recep Tayyîp Erdogan piştî hevdîtina bi Serokê Amerîkayê Donald Trump ra ji Qesra Spî derket.

Serokê Amerîkayê Trump piştî hevdîtina rû bi rû ya li Ofîsa Girover û firavîna di navbera heyetan da heta ber derî Serokomar Erdogan bi rê kir.

Trump piştî hevdîtina ku li Qesra Spî biqasî 2 saet û 20 deqîqe dewam kir demekî din li ber derî bi Serokomar Erdogan ra sohbet kir û piştî ku destê hev şidandin Erdogan li wesayîta xwe siwar bû û Trump destê xwe jê ra hejand û ew bi rê kir.

Trump her wiha yek bi yek destê kesên di heyeta Erdogan da şidand û ew bi rê kir.

Trump pirsa rojnamevanan a wekî hevdîtin çawa derbas bû got ku "Hevdîtineke gelekî baş bû, nûwaze bû."