Serokomar Recep Tayyip Erdogan der heqê îdiayên Parlamenterê CHPyê yê Diyarbekirê Sezgîn Tanrikulu yên dijî Hêzên Çekdarên Tirkiyeyê (TSK) da got, "Qaşo parlamenter derketiye û çi dike? Êrîşî eskerê min dike. Ew esker ku li hemberî terorîstan canê xwe feda dikin. Lêbelê partiya mixalefeta sereke ya ku mensûbê wê ye, ranabe û ji vî parlamenterê muswede ra tiştekî nabêje û mueyîdeyekê nasepîne."

Serokomar Erdogan li Navenda Çandê ya Ataturk di Merasima Vekirina Sala Perwerdeyê ya Heyama 2023-2024an da axivî.

Erdogan bertek nîşanî îdiayên Parlamenterê CHPyê yê Diyarbekirê Tanrikulu yên dijî Hêzên Çekdarên Tirkiyeyê (TSK) û wiha axivî:

"Mayîndebûna dewleta me, yekîtiya miletê me, yekîtiya welatê me, serxwebûna me ji bo xeta sor e. Ha ji we ra qaşo parlamenter derketiye û çi dike? Êrîşî eskerê min dike. Ew esker ku li hemberî terorîstan canê xwe feda dikin. Lêbelê partiya mixalefeta sereke ya ku mensûbê wê ye, ranabe û ji vî parlamenterê muswede ra tiştekî nabêje û mueyîdeyekê nasepîne. Aniha ev civak xwedî wê qalîteyê ye ku bi îzna Xwedê roja wê hat, dê dersa pêwîst bide vî qaşo parlamenterî."