Di rapora Komîsyona Piştevaniya Neteweyî, Biratî û Demokrasiyê da ya ku li Meclisê ji bo hedefa Tirkiyeya Bêteror hat damezirandin, pêşniyazên biwarê verastkirinên qanûnî û demokratîkbûnê yên têkildarî pêvajoyê jî hatin parvekirin.

Di civîna 21em a Komîsyona Piştevaniya Neteweyî, Biratî û Demokrasiyê da ya bi serokatiya Serokê TBMMyê Numan Kurtulmuş va, rapora ji hêla Komîsyonê hat amadekirin hat axaftin.

Rapora ku Komîsyona Piştevaniya Neteweyî, Biratî û Demokrasiyê amade kir, bi pirdengî hat qebûlkirin

Rapor ji 7 beşan pêk tê û di beşa ewil da pêvajoya xebatên Komîsyonê hat ravekirin. Di beşa duyem da nîqaşên civînên Komîsyonê hatin parvekirin û her wiha di beşa sêyem da jî rehên dîrokî yên biratiya Tirk-Kurd û her wisa hiqûqa biratiyê hatin destnîşankirin. Di beşa çarem da qadên rêkeftinê yên ji analîzên vegotinên axêverên civînên Komîsyonê, di beşa pêncem da jî pêvajoya xwefesixkirin û çekdanînê ya rêxistina terorê PKKyê hat ravekirin.

Sernavên di raporê da derketin pêş ev in:

"Di pêvajoya da pêngava herî krîtîk ew e ku ji hêla saziyên ewlehiyê yên dewletê va tesbît û pesendkirina çekdanîn û xwefesixkirina rêxistina terorê PKKyê ya tevî hemû unsûrên xwe va ye. Bi awayekî rêk û pêk temambûna pêvajoya tesbît û pesendkirinê dê bi tenê bi îlanbûna bidawîbûna tehdîda rêxistina çekdar sînordarkirî nemîne, her wiha dê ji bo cîbicîkirina çarçoveya hiqûq û polîtîkaya ji bo rewşa nû pêwîst e jî bibe pêngava nû. Mekanîzmaya tesbît û pesendkirinê divê bi hemahengiya saziyên dewletê yên têkildar va li gorî regezên objektîf, şefaf û her wiha kontrola wê pêkan e bişixule. Di mijara pêkanîna verastkirinên qanûnî yên pêwîst ên ji bo pêvajoya fesxa rêxistinê ya tevî hemû şaxan û danîn û radestkirina çekan da yekîtiya giştî ya nêrînê heye."

- "Ji bo temînkirina xurtkirina bihevrabûna civakî, pêdivî bi verastkirineke qanûnî ya bi rengekî serê xwe û berwext a bi danîna çekan ra dê pêvajoyê û maweya piştî pêvajoyê bi rê va bibe, heye."

- "Di vê çarçoveyê da qanûn divê bi tenê ne ji bo tesbît û tayîna rewşa hiqûqî ya mensûbên rêxistinê ya piştî çekdanînê be. Qanûn her wiha divê wê armancê jî vehewîne ku kesên têkildar bi awayekî adil, ewle û tendurist tevlî civakê bibin."

- "Verastkirinên qanûnî divê di nav civakê da nebin sedema nêrîna bêcezabûn û efûyê."