Berdevkê Wezerata Karûbarên Derva Oncu Keçelî ragihand ku Tirkiye peşhatên li Kerkûka bajarê Iraqê ji nêz va û bi hesasiyet dişopîne.

Berdevk Keçelî derbarê pêşhatên li Kerkûkê li ser hesabê xwe yê Xê parvekirinek kir.

Keçelî tekezî li wêyekê kir ku temsîlbûna Turkmenên hevnijadên wan di nava siyaset û pêkhateya dewletê ya Iraqê da "hêviya sereke" ya Tirkiyeyê ye û got, "Ev mijar bi taybet li Kerkûkê di warê erkdan û tayinkirinên di Meclisa Parêzgehê û hemî saziyan da gelekî giring e."

Keçelî bal kişand ser wê yekê ku tayinkirina rêveberekî ne Tirkmen li bajarokê Pirdê yê Kerkûkê di çavê civaka Turkmen da bû sedema hêvî şikestin û nerehtiyê û got, "Aştî û aramiya Kerkûkê ku bi pirrengiya xwe ya etnîkî û olî modelek piçûk a Iraqê ye, ji bo aştî û aramiya hemû Iraqê giring e."