Li Wan, Bidlîs, Mûş û Hekariyê bi merasimê karnameyên wan dan xwendekarên ku tetîla wan a nîvê salê dest pê kir.

Li 1628 dibistanên li tevahiya Wanê 275 hezar û 816 xwendekaran karname hilda.

Walî û Cîgirê Şaredarê Şaredariya Bajarê Mezin a Wanê Ozan Balci û Midûrê Perwerdeya Neteweyî yê Bajêr Bîlal Yilmaz Candiroglu beşdarî merasima belavkirina karnameyan a li Lîseya Anadoluyê ya Ozen Adali ya li navçeya Îpekyoluyê bûn û karname dan xwendekaran.

Balci li polan geriya û bi mamosteyan ra sohbet kir û pirtûk diyarî da xwendekaran û pêşniyaz kir ku di betlaneyê da pirtûkan bixwînin.

- Hekarî

Li Dibistan û Dibistana Navîn a Yunus Emre ya ku li Taxa Halîfe Dervîşê hat vekirin merasima karnameyê hat lidarxistin.

Walî û Cîgirê Şaredar Alî Çelîk di merasimê da axivî û got ku ji bo vekirina avahiya dibistanê û bibin şirîkê kelecana karnameyê ya zarokan hatin bal hev.

Çelîk li polan geriya û kelecana xwendekaran parve kir û bi mamosteyan ra jî hat bal hev.

Tayyar Emre Mahmutoglu û Mehmet Faruk Sayginê alîkarên walî, Midûrê Perwerdeya Neteweyî ya Bajêr Nurettîn Yilmaz, midûrên şaxan, Midûrê Werziş û Ciwaniyê yê Bajêr Emîn Yildirim, xwendekar û mamoste beşdarî merasimê bûn.

- Bidlîs

Li navenda Bidlîsê û navçeyên wê ji ber tetîla nîvê salê 95 hezar û 419 xwendekaran karname hilda.

Walî Ahmet Karakaya beşdarî bernameya li dibistana Oya Havare bû û li polan geriya û karname da xwendekaran.

Walî Karakaya ji xwendekaran ra got ku bila di betlaneyê da pirtûkan bixwînin û bi mamosteyan ra jî sohbet kir.

Midûrê Perwerdeya Neteweyî ya Bajêr Vedat Kaya û midûrên şaxan jî beşdarî bernameyê bûn.

- Mûş

Li tevahiya Mûşê 96 hezar û 800 xwendekarî karname hilda.

Midûriya Perwerdeya Neteweyî li Dibistana Fatîhê ya Weqfa Perwerdeya Neteweyî merasima belavkirina karnameyan hat lidarxistin.

Walî Avnî Çakir beşdarî bernameyê bû û bi xwendekaran ra sohbet kir û karnameyên wan belav kir.

Çakir di axaftina xwe ya di bernameyê da got ku bûn şirîkê kelecana karnameyê ya zarokan.

Midûrê Perwerdeya Neteweyî yê Bajêr Abdulkadîr Altay, Midûrê Şaxê Nedîm Oner û malbat beşdarî bernameyê bûn.