Li Wanê malbatên ku zarokên wan ji hêla PKKya rêxistina terorê va hatine revandin vê hefteyê jî li pêşiya Serokatiya Bajêr a DEM Partiyê çalakiya xwe domand.

Malbatên ku li kuçeya Menekşeyê civiyan, alayên Tirk û wêneyên ewladên xwe bilind kirin û heta pêşiya Serokatiya Bajêr a DEM Partiyê meşiyan

Endamên partiyê hewl dan ku bi lêdana muzîka bilind dengê malbatan bibirin, lê dayik û bavan bertek nîşanî wan dan û bang li zarokên xwe kirin ku ew teslîm bibin.

Nazli Sancara ku ji bo qîza xwe beşdarî çalakiyê bû ji rojnamevanan ra got dayik û bav piştgiriyê didin pêvajoya "Tirkiyeya Bêteror".

Sancarê diyar kir ku divê dayik û bav êdî negirîn û wiha got: "Em hemû ruhê cejnê dijîn, em bi hêvî li benda zarokên xwe ne. Heta ku zarokên me werin em ê nobedariyê bidomînin."

Necîbe Çîftçiya ku ji bo kurê xwe beşdarî çalakiyê bû diyar kir ku PKKyê ji zarokên wê yek şehîd kiriye û yek jî revandiye.

Dayika dilê wê biêş e wiha axivî: "Ez nizanim kurê min ê li çiyê çawa ye. 12 sal berê ew revandin û 7 sal berê jî kurê min ê din kuştin. Bila zarokên me li çiyê winda nekin û wan vegerînin me. Em mal û milk naxwazin, em zarokên xwe dixwazin ku ev jî mafê me ye. Em hêvî dikin ku bi pêvajoya Tirkiyeya Bêteror va em ê bigîhêjin zarokên xwe."