Nobeta dayikên Diyarbekirê ya bi hêviya bigihên zarokên xwe yên ku revandine serê çiyê, li pêşiya Serokatiya Bajêr a HDPyê dewam dike û malbateke din jî beşdarî çalakiyê bû.

Dayikên Diyarbekirê ji revandin û derxistina serê çiyê ya zarokên xwe HDPyê berpirs dibînin û ji bo vê jî ji 3ê îlona 2019an vir va çalakiya rûniştinê dikin û çalakiya wan di roja 582yem da didome.

Turkan Bayraka dayik ji Mûşê bi Resûl Tufenciyê kurê xwe va seba Ozkan Tufenciyê kurê xwe yê ku 6 sal berê dema seba xebatê çûbû Stenbolê û li wê derê xapandin û revandin serê çiyê, beşdarî çalakiya rûniştinê bûn.

Turkana dayik bi Kurdî daxuyanî da û diyar kir, piştî ku kurê wê winda bû, wan tu xeber jê hilneda.

Bayrakê diyar kir, kurê wê kerr e û dengan nabihîze, xwendin û nivîsandinê nizane, wê piştî di têlevîzyonê da dît ku malbat digihêjin ewladên xwe, wan jî biryara beşdarbûna çalakiyê da.

Bayrakê wiha xeberda, "Kurê min seba xebatê çû Stenbolê û hefteyekê şûnda winda bû. HDPyê kurê min bir. Kê biribe bira paşve bişîne. Kurê min nexweş û kêmendam e. Ez kurê xwe ji HDPyê dixwazim."

Bayrakê bangî kurê xwe kir û wiha got, "Kurê min heke tu min dibihîzî vegere, çi karê te li wê derê heye. Were bigihêje dewleta xwe, dê û bavê xwe û xwişk û birayên xwe."

Resul Tufencî jî ji revandina kekê wî HDP berpirs dît û wiha axivî, "HDPyê kekê min xapand, ketin binê wî û paşê birin. Heta kekê min neyê, em ji vê derê naçin."