Li Mûşê malbatek beşdarî nav 20 malbatên ku li ber avahiya serokatiya parêzgehê ya HDPyê çalakiya rûniştinê dikin û HDPyê wekî berpirsê revandina zarokên xwe dibînin, bû.

21 malbatên li ber avahiya HDPyê her hefte roja çarşemiyê tên bal hev û piştevaniyê didin Malbatên Diyarbekirê vê heftê jî çalakiya xwe domandin.

Tevlî malbateke nû va 21 malbatên li ber avahiya bajêr a HDPê hatin cem hev, pankartên bi nivîsên "Ewladê min bide min", "Dayik têdikoşin", "Êdî bes e dest ji pêsîra me bikişînin" û "Bes e êdî ewladên me berdin", vekirin.

Dê û bavên wêneyên zarokên xwe hildabûn cem xwe li dijî HDPyê dirûşme berz kirin û bertek nîşan dan.

Alî Uygaçê ji bo qîza xwe beşdarî çalakiyê bûbû daxuyanî da rojnamegeran û got ku ew bi salane tu xeber ji qîza xwe hilnedaye û kelogirî bû û got: "Ez ji bo qîza xwe digirîm, kezeba min diperite. Qîza min heke dengê min dibihîzî were û teslîmî dewletê bibe. Tu xêra wê derê ji me ra tuneye. Qîza min 10 salî bû û xapandin birin. Xwedê bela kesên ku xapandin û birin, bide."

Ayten Koçhan a nû tevlî malbatên Mûşî bû û dest bi nobetê kir jî diyar kir ku ew 7 sale ji kurê xwe tu xeberê hilnade û wiha domand: "Emê çalakiyaxwe bidomînin. Werin û teslîm bibin. Werîn teslîmî dewletê bibin û heta hûn bên em li vê derê ne û naçin derekî. 7 sale tu xeber nayê Erzînê min tu li kê derê yî were û teslîm bibe."

Ji dayikan Naciye Sonmezê destnîşan kir ku kurê wê di 15 saliya wî da xapandine û wiha pê da çû: "Ez zanim HDPê kurê min bir. Ez kurê xwe dixwazim û ji wan ra nahêlim. Li serê çiyê ewladê kê hebe bila were û teslîm bibe."