Li Wanê malbatên ku zarokên wan revandine serê çiyê, vê hefteyê jî çalakiya xwe li pêşiya Serokatiya Bajêr a DEM Partiyê domand.

Malbatên ku li Kuçeya Menekşeyê civiyan, bi alayên Tirkiyeyê û wêneyên zarokên xwe va heta pêşiya avahiya Serokatiya Bajêr a DEM Partiyê meşiyan.

Dê û bavên ku bêdeng meşiyan, bangî zarokên xwe kirin ku teslîm bibin.

Nazli Sancara ku seba keça xwe ya Şeyma beşdarî çalakiyê bû, ji rojnamegeran ra got ku ew bi salan e seba bigihêjin zarokên xwe, têkoşînê didin.

Sancarê diyar kir ku ew piştgiriyê didin pêvajoya "Tirkiyeya Bêteror" û wiha dewam kir:

"Em bi saya vê pêvajoyê bigihêjin ewladên xwe. Êdî dê û bav wê negirîn. Bi salan e em ji bo zarokên xwe çalakiyan didomînin. Em ji bo pêvajoyê spasiya Serokomar Recep Tayyîp Erdogan û Serokê Giştî yê Partiya Tevgera Neteweperwer Devlet Bahçelî dikin. Em timî ligel wan in jî. Em li benda ewladên xwe ne û pir şa ne."

Salîha Merta ku ji bo kurê xwe beşdarî çalakiyê bû jî wiha got, "7 sal e em seba zarokên xwe çalakiyên xwe didomînin. Bi pêvajoya Tirkiyeya Bêteror va welatê me wê xweştir bibe. Em li benda ewladên xwe ne, înşeallah em ê di dema herî kin da wan hembêz bikin."