Li Wanê malbatên ku zarokên wan revandine serê çiyê, vê hefteyê jî çalakiya xwe ya li ber Serokatiya Parêzgehê ya DEM Partiyê domand.

Malbatên li kuçeya Menekşeyê civiyan, alayên Tirk û wêneyên ewladên xwe bilind kirin û heta pêşiya Serokatiya Parêzgehê ya DEM Partiyê meşiyan.

Dê û bavên ku vê hefteyê durişm berz nekirin û bêdeng meşiyan, bangî zarokên xwe kirin ku teslîm bibin.

Nazli Sancara ku ji bo keça xwe di çalakiyê da beşdar e diyar kir ku Pêvajoya Tirkiyeya Bêteror hêvî da wan.

Sancarê bal kişand ku ew dixwazin bigihîjin ewladên xwe û wiha dewam kir, "Me îro durişm berz nekirin, me dia kirin û em meşiyan. Înşelah êdî dayik dê negirîn û nûçeyên şehîdan dê neyên. Em Tirkiyeyeke bêteror dixwazin. 8 sal e em têkoşîna ewladê dimeşînin, em bi bendewarî li benda vegera ewladên xwe ne."

Saliha Merta ku ji bo kurê xwe di çalakiyê da beşdar e jî wiha xeberda, "Bi salan e em vê têkoşînê dimeşînin, em pir westiyan. Kurê min ez bangî te dikim, were teslîmî dewletê bibe. Înşelah herkes dê bigihîje ewladê xwe."