Li Mûşê malbatên ku PKKya rêxistina terorê zarokên wan revandine, li pêşiya avahiya Serokatiya Bajêr a DEM Partiyê çalakiya xwe domand.

Malbatên ku her çarşem li pêşiya avahiya Serokatiya Bajêr a DEM Partiyê tên bal hev, hewl dan ku dengê xwe bigîhînin zarokên xwe.

Bav Halît Altun ê ku beşdarî çalakiyê bû û bi salane ji kurê xwe tu xeberê hilnade daxuyand ku ew li Diyarbekir û Mûşê çalakiyên ji bo zarokên xwe didomînin.

Altun got tekane daxwaza wan ew e ku ew bigîhêjin zarokên xwe û wiha axivî: "Em li pey tu daxwazekê nînin, tekana derdê me ewladên me ne. Zarokên me, fêm bikin ka dê û bavên we çawa bangî we dikin, çima gazî we dikin. Werin, nebin xizmetkarên yên din. Vegerin welatê xwe, dayika xwe, bavê xwe û malbata xwe. Tekane şîreta ku em dikarin li we bikin ev e."

Altun bangî kurê xwe kir ku ew teslîm bibe.

Dayik Şahînaz Ozcanê jî wiha got: "Ez bi salan e hesreta ewladê xwe dikşînim. Di vê berf û zivistanê da em nobetê digirin. Em dixwazin zarokên me teslîm bibin. Em bendê ne ku hesreta bi salan dawî bibe."