Li Brezîlyayê hejmara kesên ji ber Kovîd-19ê mirin ji 300 hezarî derbas bû

Li Brezîlyayê hejmara kesên ji ber vîrusa koronayê ya nû (Kovîd-19) mirin ji 300 hezarî derbas bû.

Li gor daneyên Wezareta Tenduristiyê, di 24 saetên dawîn da bi mirina 2 hezar û 9 kesan va hejmara miriyan derket 300 hezar û 685an, 89 hezar û 922 pêketiyên nû hatin tesbîtkirin û hejmara pêketiyan jî gihîşt 12 milyon û 220 hezar û 11 kesî.

Li welêt hejmara kesên ji vîrusê filitîn û baş bûn jî wek 10 milyon û 689 hezar û 646 hat eşkerekirin.

Brezîlyaya ku serjimara wê ji 210 milyonî zêdetir e piştî Amerîkayê welatê duyemîn e ku herî zêde tesîra şewbê lê çêbû.

Li welêt ji 8ê çileya paşîn vir va ji ber Kovîd-19ê 100 hezar kes mirin, hejmara pêketiyan jî ji 7 milyon û 100 hezarî gihîşt 12 milyon û 200 hezarî.

Ji ber ku nexweşxane tijî bûne û li eyaleta Amazonasê cureyeke Kovîd-19ê ya bi navê P1 belav bûye, li welêt zehmetî tê kişandin.