ANKARA (AA) - Li Îranê jimara kesên ku ji ber vîrusa koronayê ya nû (Kovîd-19) mirin, 286 zêde bû û derket 118 hezar û 191an.

Li gor daxuyaniya ku ji Wezareta Tenduristiyê ya Îranê hat dayîn, di 24 saetên dawîn da 17 hezar û 433 pêketiyên nû hatin tesbîtkirin, ji van 2 hezar û 164 kes li nexweşxaneyê hatin razandin.

Di daxuyaniyê da hat gotin, bi mirina 344 kesan va jimara kesên ku ji ber vîrusê mirin derket 118 hezar û 191an, jimara pêketiyan jî derket 5 milyon û 477 hezar û 229an. Li welêt 53 roj şûnda cara ewil jimara kesên ku rojane dimirin ket binê 300î.

Li tevahiya welêt rewşa 6 hezar û 632 kesên ku bi Kovîd-19ê ketine û di nexweşxaneyan da hatine razandin, giran e.

Wezaretê diyar kir, heta niha 32 milyon û 250 hezar û 543 kes doza ewil a aşiyê bûye, 14 milyon û 648 hezar û 891 kes jî her du dozên aşiyê bûne.

Bi tevahî 46 milyon û 899 hezar û 434 doz aşiya Kovîd-19ê li welêt hatiye kirin.

Ji hêla din va 57 bajar di kategoriya "sor", 238 bajar di kategoriya "tûtik" û 136 bajar jî di kategoriya "zer" da ne. 17 bajar jî bê rîsk in.