Jiyan

"Zozanê Miraşeyê" mîna bihuşteke veşartî ye

Zozanê Miraşeyê ku li Taşliçaya navçeya Agiriyê ye bi tebîeta xwe ya xweş balê dikişîne û bi gol, şikeft û avgura xwe li benda ziyaretvanan e

Nihat Kavşut   | 11.07.2019
"Zozanê Miraşeyê" mîna bihuşteke veşartî ye

Ağrı

Zozanê Miraşeyê ku li Taşliçaya navçeya Agiriyê ye bi tebîeta xwe ya xweş balê dikişîne û bi gol, şikeft û avgura xwe li benda ziyaretvanan e.

Zozanê Miraşeyê li gundê Kagniliyê ye ku 30 kîlomêtro dûrî navçeyê ye û bi şikefta xwe ya di nav zinarên asê da, bi gola xwe ya şîn û şên û avgura ku şiriniya wê tê balê dikişîne.

Ji gundiyan Hasan Karahan daxuyanî da nûçegihanê AAyê û destnîşan kir şikefta di nav zozan da dereke dîrokî ye û got ku bi avgur û gola xwe jî dereke zehf xweş e.

Karahan diyar kir divê tebîeta li zozan bala her kesî bikişîne û wiha axivî: "Di mehên bihar û payîzê da ku hewa sar dibe em 400 pez û 100 dewarên xwe di şikeftê da dihewînin. Di nav şikeftê da sitûnek heye û me 20 sal berê binê sitûnê şikand. Li dîwarên şikeftê nivîsên kevin hene û em nizanin çi dinivîsîne. Em dixwazin turîst bên serdana şikeftê. Ji ber şikeftê çemek derbas dibe û her der şîn û şên."

Emîrhan Açarê hatiye serdana zozan diyar kir hewa hênîk e û zehf xweş e û got ku kêfa min ji avgurê ra hat.

Açar diyar kir ku gol, şikeft û avgura li zozan dîtine û wiha peyivî: "Ez berê jî 2 caran hatibûm. Em ji bona ger û geştê tên û li berê jî wêneyan dikişînin."

Anadolu Ajansı web sitesinde, AA Haber Akış Sistemi (HAS) üzerinden abonelere sunulan haberlerin sadece bir kısmı, özetlenerek yayımlanmaktadır. Abonelik için lütfen iletişime geçiniz.
İlgili konular
Bu haberi paylaşın