Li Agiriyê dildarên Hîva Sor a Tirkan kinc û pêlîstok diyariyê zarokên malbetên koçer ên li zozanê Aladaxê dijîn, kirin.

❮❯

Zarokên koçeran ên li zozanên Agiriyê dijîn bi diyariyên Hîva Sor va kêfxweş bûn

Li Agiriyê dildarên Hîva Sor a Tirkan kinc û pêlîstok diyariyê zarokên malbetên koçer ên li zozanê Aladaxê dijîn, kirin. ( Abdullah Söylemez - Anadolu Agency )

Dildarên Hîva Sor a Tirkan wek beriya Eyda Remezanê niha jî beriya Eyda Qurbanê gund û zozanan digerin û diyariyan didin zarokan.

Dildarên ku hatin bal hev piştî rêwitiyeke bi zehmet gihîştin zozanê Aladaxê ya ku bilindahiya wê 3 hezar û 510 mêtro ye.

Li wir bi malbat û zarokan ra sohbet kirin, porê zarokan bi berber dane kurkirin, bi wan ra leyîstin, kinc, pêlîstok, kek, çîkolata û ava fêkiyan bi zarokan belav kirin û paşê jî alîkariya jinan kirin û pez dotin.

- "Di şert û mercên zehmet da dijîn"

Neslîhan Taşdemira Nûnera Agiriyê ya Dildarên Jin ên Hîva Sor a Tirkan ji nûçegihanê AAyê ra daxuyand wek her car di vê eydê da jî ew zarokan kêfxweş dikin.

Taşdemirê got berê ew diçûn gundan, lê cara ewil e ew tên zozanekê û wiha axivî: "Me ji zarokên xwe ra pêlîstok û kincên eydaniyê anî. Jiyana li zozanan pir zehmet e. Ji bo ku em van zarokên di şert û mercên zehmet da dijîn kêfxweş bikin me xebateke wiha kir. Zarokan bi xwîşkên xwe yên dildar ra leyîst. Zarok û dayikên wan di nav şertên zehmet da 2 mehan dijîn. Em ê di eydê da kincan bidin 1000 zarokên êtîm û sêwî û yên li gund û zozanan dijîn."

Taşdemirê anî ziman ew ê sala bê jî herin zozanan bi zarokan ra bên bal hevdu û ji bilî vê jî ew ê ji bo dayikan jî hin xebatan bikin.