Li Erdîşa navçeya Wanê xaniyên darîn û bungalov ên jîngehdost ên ku 2 bira Erhan û Veysel Durmaz çêdikin, li gelek bajaran têne firotin.

Erhan (29) û Veysel Durmaz (25) ên ku li Bursayê 10 salan di kargeheke çêkirina xaniyên darîn da xebitîn û biryar dan ku li bajarê xwe Erdîşê veberhênanê bikin.

Îsal herdu birayan li Taxa Haydarbeyê li qadeke 3 hezar metreçarçikî ya ku kirê kirine, atolyeyek ava kirin û li gorî daxwazên xerîdarên xwe dest bi hilberîna xanî û bungalovên darîn ên "1+1", "2+1" û "3+1" kirin.

Birayên karsaz ên ku di heman demê da ji bo 15 kesan li kargeha xwe kar peyda dikin, di sazkirina avahiyên xwe yên darîn da kabloyên agirnegir bi kar tînin, ku wan ji darên çamên zer ên ji Boluyê hatine siparîşkirin çêkirine.

Herdu bira avahiyên darîn ên jîngehdost ên ku temam dikin, bi kamyonan dişînin Erzirom, Hekarî, Bidlîs, Îdir, Mûş, Diyarbekir û hin bajarên din ên Herêma Deryaya Reş.

Erhan Durmazê yek ji birayan, ji nûçegihanê AAyê ra got ku ew ji zarokatiyê pê va bi karê daran ra mijûl dibe.

Durmaz diyar kir ku ew û birayê xwe bi salan li Bursayê di sektora îmalata karê darîn va mijûl bûn, wiha got: "Me biryar da ku em vegerin Erdîşê, cihê ku em lê ji dayik bûn û mezin bûn. Li vir, me qadeke vekirî 3 hezar metreçarçik kirê kir û tesîsa xwe ya hilberînê ava kir. Niha, em bi 15 karmendan xaniyên darîn, bungalov û qemeliye çêdikin. Ji nav welêt daxwazeke mezin ji bo berhemên me heye. Em siparîşên xwe bi kamyonan dişînin. Piştî radestkirina siparîşan, endamên tîma me pêvajoya montajê jî li cihê kar pêk tînin."

Yakup Çelikê ku xaniyekî darîn siparîş da, got, "Xewna min a zarokatiyê di xaniyek darîn da jiyan bû. Min biryar da ku xaniyekî darîn ava bikim û min bi van hevalan ra hevdîtin kir. Me xaniyekî 60 metreçarçikî çêkir. Pir bi kêrhatî ye."