Li Gola Çildira ku zivistanê rûberê wê qeşa digire, "xaniyê darîn" ê ku pêwîstiyên mêvanan yên weke xwarin û hêwirînê lê dabîn dibin, piştî şewata beriya 3 salan, dîsa ji bo geştiyariya zivistanê tê amadekirin.

Gola Çildirê ya di navbera Qers û Erdexanê da zivistanê bi rûberê xwe yê qeşagirtî mazûvaniya gelek geştiyarên xwemalî û biyanî dike. Xaniyê darîn ê li navçeya Arpaçayê ku dikeve beşa aliyê Qersê ya golê, ku pêwîstiyên mêvanan yên weke xwarin û hêwirînê lê dabîn dibû, 3 sal berê di şewatê da bû xwelî.

Avakirina xaniyê darînê ku îsal bi protokola di navbera Îdareya Taybet a Parêzgehê û Ajansa Geşepêdana Serhedê (SERKA) da di bin serokatiya Walîtiyê da hat îmzekirin dest pê kir, bi piranî qediyaye.

Ev xaniyê darînê ku qadeke bi qasî 500 metreçarçik qada wê heye, dê di vê demsala zivistanê da bi cihên xwe yên hêwirînê, xwaringehên hundir û derva, kafe, qadên lîstikê yên zarokan û deverên pîknîkê pêşwaziya mêvanan bike.

- "Me ji sedî 90ê pêkanîna fîzîkî temam kiriye"

Qaymeqamê Navçeya Arpaçayê Muhammed Burak Akkoz ji nûçegihanê AAyê ra got ku çêkirina xaniyê darîn ê li beşa navçeya Arpaçayê ya Qersê ya Gola Çildirê ye, ber bi qedandinê va diçe.

Akkoz rave kir ku xaniyê darîn di çîna xwe da yêkem e û li wê herêmê avahiyeke bi qasî wê mezin tuneye û got, "Ew bi awayekî ku otêleke xwedî pênc ode, xwaringeheke xweşik û baxçeyekî çayê tê da ye tê çêkirin. Niha me ji sedî 90ê pêkanîna fîzîkî temam kiriye. Bi telîmatên Waliyê me Ziya Polat, piştgiriya Rêveberiya Taybet a Parêzgeha me û hevrêziya Ofîsa Waliyê Navçeya me, avakirina kabîna daran berdewam e û înşallah dê zû dest bi sezonê bike."

Akkoz destnîşan kir ku xaniyê darîn ji aliyê bi hezaran geştiyarên xwecihî û biyanî va, bi taybetî di demsala zivistanê da tê bikaranîn û diyar kir ku avahiya nû dê xizmeteke modern pêşkêş bike.