Di Geliyê Zoreyê da ya dikeve navbera Sasona Batmanê û Qulpa Diyarbekirê, çalakiya meşê hat lidarxistin.

Bi pêşîkêşiya Nûnertiya Federasyona Çiyageriya Tirkiyeyê ya Parêzgeha Diyarbekirê û Kuluba Werzişên Siruştî ya Diyarbekirê (DÎDOSK) va 60 siruşthez meşiyan Geliyê Zoreyê ya ku dikeve navbera Sasona Batmanê û Qulpa Diyarbekirê.

Yeliz Çubana Seroka DÎDOSKê di daxuyaniya xwe da diyar kir ku parastina xwezayê, erka herkesî ye û wiha dewam kir, "Bi rastî jî em li cihekê pir newaze ne, dîmen efsûnkar e û hewa jî hênik û aramîbexş e. Lê mixabin zibil wekî pirsgirêk dîsa derket pêşiya me. Siruşt ji me ra emanet e û divê em vî emanetî paqij dewrî nifşên pey xwe bikin. Lewma jî ricaya me ji ziyaretvanan ew e ku bira zibil û gemara xwe li vir nehêlin."

Eray Karahanê endamê lijneya rêveberiya DÎDOSKê jî bal kişand ku ew hersal li gelî, çalakiyê li dar dixin.

Beşdarên çalakiyê Mehmet Şirin Zengin û Kemal Aydin jî bal kişandin ku gelî, cihekî pir xweş û hênik e û lewma divê herkes biçe dîtina wê û li wir ji xwe ra bimeşe.