Siruşthez li nav bedewiyên Mûşa ku di rojekê da 4 demsal lê hene, geriyan.

Bajar bi bedewiyên xwe yên weke şelale, rûbar, gol, zozanên xwedî floryayên dewlemend û çiyayên ku beşeke wan berf li ser maye, 4 demsalan bi hevdu ra didin jiyandin û ev yek bala geştiyaran dikişîne.

Endamên Komeleya Gavên Ciwan ku her heftî li xalên cihê cihê yên bajêr çalakiyan li dar dixin, li nava siruşta bi rengên biharê xemilî digerin û fotografan dikişînin.

Siruşthezên ku di rojekê da 4 demsalan dibînin, fotografên ku dikişînin li ser medyaya civakî parve dikin û bi vê ra danasîna bajêr jî dikin.

Siruşthezên ku vê heftiyê li ser Çiyayê Kurtikê ku raqima wê bi qasî 2 hezar û 645 e meşiyan, serdana Şelaleya Derecikê ku ji 20 metro bilindahî diherike, Gola Qulingê ya ku bi rengên biharê xemilîbû kirin û li quntarên bi berfê nixumandî temaşe kirin.

Siruşthezan agir dadan û li dora wê govend gerandin û seranserê rojê kêf kirin.

Serokê Komeleya Gavên Ciwan Sedat Ozcan ji nûçegihanê AAyê ra anî ziman ku bi ekîbeke 40 kesî her heftî meşên siruştê li dar dixin.