Sulava Meyayê ya li Diyadîna navçeya Agiriyê ku Bajarê Kevn a Antîk a dîrokî jî lê ye bi xweşiyên biharê va balê dikşîne ser xwe.

Sulava li gundê Gunbulduyê ye zivistanê cemed digire û biharê jî bi berf helînê va ava wê zêde dibe. Çar aliyê sûlava ku di nav geliyekî kur da cî digire û dor û berên wê zinarin di her demsalê da xweş e.

Zivistanê şembelîkên ji bejna mirovan mezintir bi sûlavê va tên xwarê û biharê jî ava jê diherike behna mirov derdixe.

Îsmaîl Şahînbaşê li herêmê wêneyan dikişîne daxuyanî da nûçegihanê AAyê û got ku Diyadîn ji hêla çandî û dîrokî va devereke girîng e û çavkaniyên wê yên avî jî gelek in û wiha pê da çû: "Biharê dema berf dihele ji sûlavê av diherike û heta meha tebaxê jî dewam dike. Zivistanê jî şembelîkên qirase pê da tên xwarê."