Mamosteyên jin ên li Dibistana Seretayî ya gundê Akkonak a ser bajarê Mûşê ye wezîfedar in bi minderan va quncikê xwendinê çêkirine û bi şahiyên organîze dikin va jî dilê xwendekaran xweş dikin û dersê li ber dilê wan şirîn dikin.

Gîzem Sevînça li dibistana gundê qasî 40 kîlometre ji navendê dûr e 3 sal berê dest bi wezîfeyê kir û par jî Kezban Kaplan li wê derê hat wezîfedarkirin û herdu mamosteyên jin ji bo dilê xwendekaran xweş bikin û dibistan û dersan bi wan bidin hezkirin hewl didin.

Herdu mamosteyan li polê mînder raxistine û kuncikê xwendinê ava kirine û ew sobeyê pêdixin di pola germ da tevlî xwendekaran dersê dikin. Ji lîstikên jîrbûnê bigir heta pirtûk xwendin, muzîk û drama jî tev gelek kar û barên kêfa xwendekaran jê ra tê dikin.

Mamoste Sevînçê daxuyanî da nûçegihanê AAyê û got ku ew tevlî hevalên xwe yên mamosteyên din va ji bo xwendekarên xwe awayek baş perwerde bikin hewl didin.

Sevînçê destnîşan kir ku ji bo xwendekar ji dersên xwe û dibistanê paşve nemînin projeyan dikin rewacê û wiha domand: "Me li pola xwe mînder raxistin û quncikê xwendinê ava kir. Tevlî xwendekaran em li wê derê pirtûkan dixwînin. Quncikê me yê matematîk û lîstikên jîrbûnê jî heye. Dema em li wan quncikan dersê dikin kêfa xwendekaran gelekî tê. Em dixwazin di her qadê da wan pêş bixin û hêvîdar im ku ew jî ji me razî bin."

Mamoste Kaplanê jî got ku zarokên li gundan zêdetir xwe bi mamosteyên xwe va girêdidin û ji ber wê yekê jî mamoste zor û zehmetiyên li gundan rast tên zû ji bîr dikin.

Xwendekarên dibistanê jî mamosteyên xwe wek dê û xwîşkên xwe dihesibînin û ji wan gelekî hez dikin.