Emîne Yilmaz li Karliovaya navçeya Bîngolê di Dibistana Seretayî ya Gundê Yagmurluya Jêrîn da dest bi mamostetiyê kir û di nav 2 salan da bi projeyên ku amade kirin û bi xebatên ku kirin va reng û rûyê dibistanê guherand û gelek derfet ji xwendekarên xwe ra da pêşkêşkirin.

Emîne Yilmaza 26 salî bi malbata xwe ra li Muglayê dijî û ji eslê Mêrdînî ye. Tayîna Yilmazê di 2020î da çêbû û cihê wezîfeya wê ya ewil li navçeya Kanîreşê Dibistana Seretayî ya Gundê Yagmurluya Jêrîn bû.

Yilmaz dema ku hat dibistanê, mêze kir ku gelek kêmasiyên dibistanê hene û zend û bendê xwe hilda ku kêmasiyan bide temamkirin. Bi alîkariya Midûriya Perwerdeya Neteweyî ya Bajêr Yilmazê sewaxa dibistanê da kirin.

Ji bo pêkanîna pêdiviyên civakî û teknolojîk Yilmazê projeya "Ji Heft Saliyan Heta Heftê Saliyan Seba Her Kesî Perwerde, Çand û Huner" amade kir û pêşkêşî Serokatiya Îdareya Pêşketina Herêmê ya Projeya Rojhilatê Anadoluyê (DAP) kir. Bi pesendkirina projeyê va alavên atolyeyên curbecur ji dibistanê ra hatin şandin.

- Her sibeh agir berdide sobeyê û polê seba xwendekaran amade dike

Yilmazê li polê xalîçe da raxistin û di polê da gîtara çartêl, gîtar û lîstikên hişmendî yên cuda fêrî xwendekarên xwe dike. Bi pergala înterneta bêqablo va ji 9 xwendekarên xwe ra xizmetê dike.

Yilmaz bi mêrê xwe ra li navçeyê dijî û mehên zivistanê her roj di berf û bagerê da 40 kîlomêtre rê diçe û paşê digihêje dibistana xwe.

Yilmaz li gundê ku nava rojê germa hewaya wê heta 15 pileyan dikeve binê sifirê, seba tijekirina sobeyê di nav berfa ku mêtreyekî ketiye da dimeşe û êzingan tîne polê. Beriya ku xwendekarên wê werin sobeyê tije dike û paşê pêşwaziya xwendekarên xwe yên pola 1, 2 û 4emîn dike.

Yilmazê daxuyanî da nûçegihanê AAyê û diyar kir ku ji roja ku wê dest bi wezîfeyê kiriye û heta niha wê gelek caran gotiye "Xwedê kirî min filan tişt kir" û êvarê wexta vedigere mala xwe jî dilê wê rehet e.

Yilmazê diyar kir, wezîfeya ku ew li vê dibistanê dike, gelek tecrube pê da qezenckirin û daxuyand ku ew hem midûra dibistanê hem mamoste hem jî xizmetkara dibistanê ye.