Li Erdîşa navçeya Wanê li qada ku germav lê ye, hewzekî servekirî hatiye çêkirin û ziyaretvan ji hewz xalî nabin.

Kesên li Taxa Doganciyê ya ser navçeyê dijîn, bi hev ra dora germavê dîwar danîn û tê da hewz çêkirin.

Li herêma ku germa hewayê dikeve binê sifirê, welatî di binê berfê da dikevin hewz û avjeniyê dikin.

Hilmegulma ku ser hewz dikeve û berfa ku ser da dibare, dîmenekî xweş derdixe holê.

Mixtarê Taxa Doganciyê Şahabettîn Guneş ji nûçegihanê AAyê ra got ku germav ji bo şêniyên herêmê û ziyaretvanan çavkaniyeke siruştî ya girîng e.

Guneş diyar kir ku li zivistanê herêmê germa hewayê 30 pile dikeve binê sifirê û wiha dewam kir:

"Ji Erdîşê û ji bajarên derdorê gelek kes tên vê derê. Gelê me ji vê avê şifayê dibîne. Me ev der bi xwe çêkir û dora wê dîwar danî. Vê gavê hem şêniyên gund hem jî ziyaretvan ji vê ava şifadar mifayê dibîne. Hêviya me ew e ku qada germavê were berfirehkirin û tê da tesîseke nûjen were çêkirin û ji bo turîzmê were vekirin."