Li Wan, Bidlîs, Mûş û Hekariyê berf û bagerê rêya 320 cî û wara girt.

Li gor daxuyaniya ku ji Şaredariya Bajarê Mezin a Wanê hat dayîn, berf û bagerê rêya 9 tax û 6 mezreyan girt.

Ekîbên berfê ji bo vekirina rêyan dixebitin.

Li navçeya Erdîşê hin qeraxên Gola Wanê, li cihê ku çem û robar diherikin golê, di sir û sermayê da cemed girtin.

- Hekarî

Berfa ku li bajêr ket, di çûyîn û hatinê da bû sedema tengasiyê.

Li gor agahiya ku ji Îdareya Taybet a Bajêr hat hildan, li tevahiya bajêr berf û bagerê rêyên 220 cî û waran girtin.

Ekîbên berfê ji bo vekirina rêyan dixebitin.

- Bidlîs

Li bajêr berfê rêya 34 cî û waran girt.

Midûrê Xizmetên Rê û Gîhandinê yê Îdareya Taybet a Bajêr Umît Kurtkan diyar kir ku bişev berf ket û rêya 34 gundan hat girtin.

- Mûş

Li tevahiya bajêr berfê rêya 51 cî û waran girt.

Ekîbên Îdareya Taybet a Bajêr ji bo vekirina rêyan dixebitin.

Welatiyan berfa ser wesayîtên xwe paqij kir.

Li bajêr hewa sar e û bi baniyên avahiyan va şembelûk daliqiyan, daran qiravî girt.