Li Wan, Hekarî û Bidlîsê rêyên 50 tax û gundan ji ber berfê hatin girtin.

Li gorî daxuyaniya Şaredariya Bajarê Mezin a Wanê, berf û bagerê rêyên 22 cî û waran girt.

Ekîbên ku berfê paqij dikin ji bo vekirina rêyan dixebitin

- Bidlîs

Li Bidlîsê piştî berf û bagerê rêyên 26 gundan ji hatin û çûyînê ra hatin girtin.

Midûrê Xizmetên Rê û Veguhastinê yê Îdareya Taybet a Bajêr Umît Kurtkan diyar kir ku li bajêr berf dem demî dibare.

Kurtkan daxuyand berf û bagerê rêyên 26 gunda girtiye, ji bo ku welatî astengiyê nekşînin ew ê di demeke kin da rêyan vekin.

- Hekarî

Li gorî agahiya ku ji Îdareya Taybet a Bajêr hat hildan ji 4 rêyên ku berfê girtîbûn, jê 2 hatin vekirin.

Ekîb ji bo 2 rêyên ku mane jî vekin dixebitin, li ser hin rêyan jî xebatên firehkirina rê didomînin.

Li navçeya Şemdînliyê jî li navenda çarşiyê û li ser rêyên gundan xebatên paqijkirina berfê dewam dikin.