Li Wan, Bidlîs û Hekariyê ji ber berf û bagerê rêya 17 gund û taxan hat girtin.

Li gor daxuyaniya Şaredariya Mezin a Wanê ji ber berfê rêya 8 tax û gundan hat girtin.

Ji bo rê bên vekirin tîm dixebitin û xoy li ser rêyên qeşagirtî direşînin.

- Bidlîs

Midûrê Xizmetên Rê û Gîhandinê ya Îdareya Taybet a Bajarê Bidlîsê Umît Kurtkan daxuyand ku berfê rêya 7 gundan girt.

- Hekarî

Li Şemdînliya navçeya Hekariyê jî rêya gundekî û li navçeya Yuksekovayê jî rêya mezrayekê girtî ye.

Tîmên Îdareya Taybet a Bajar ji bo rê vekin dixebitin.

Ekîbên şaredariyê jî li bajêr berf û qeşaya peyarê, kolan û kuçeyan paqij dikin.

- Mûş

Sekreterê Giştî yê Îdareya Taybet a Bajarê Mûşê Şeyhmus Yentur diyar kir ku rê vekirine, xebatên firehkirina rêyan dewam dikin.

Ji ber sir û sermayê bi banê xaniyan va şembelîk çêbûn.